சாக்லேட்

சாக்லேட்டின் சுவை நமக்கு எவ்வளவு பிடித்தமானதோ, அதேபோல செல்ல நாய்களுக்கும் அவை பிடிக்கும். ஆனால், நமக்கு எந்த ஆபத்தும் ஏற்பட போவதில்லை. ஆனால் சாக்லேட்டில் உள்ள தியோப்ரோமைன் என்ற பொருள் செல்ல நாய்களுக்கு செரிமான கோளாறுகளை ஏற்படுத்துவதோடு, விஷமாகவும் மாறிவிடும். மேலும் ஒவ்வாமை, வயிற்றுப்போக்கு, மயக்கம், ஏன் சில சிக்கலான நேரத்தில் இறப்பையும் கூட ஏற்படுத்தலாம்.

திராட்சை மற்றும் உலர் திராட்சை

நாய்களுக்கு கொடுக்கும் போது கண்டிப்பாக நோ சொல்ல வேண்டிய உணவுகளின் லிஸ்ட்டில் முதலில் இருப்பது திராட்சை மற்றும் உலர் திராட்சை. மிகச் சிறியளவில் நாய்கள் அவற்றை உட்கொண்டாலும், சிறுநீரகங்களை செயலிழக்க செய்துவிடும். மேலும், நீரிழப்பு, ஒவ்வாமை மற்றும் மந்த நிலை ஏற்படும்.

வெங்காயம் மற்றும் பூண்டு

அவகாடோ மற்றும் பருப்புகள்

அவகாடோ மற்றும் பாதாம், பிஸ்தா, முந்திரி, வால்நட் மனிதர்களுக்கு மட்டுமே ஆரோக்கியமானவை செல்லப்பிராணிகளுக்கு அல்ல. இவற்றில் உள்ள பெர்சின், நாய்களுக்கு ஒவ்வாமை, வயிற்றுப்போக்கு, மூச்சுத்திணறல் மற்றும் குடல் அடைப்புக்கு வழிவகுக்கும்.

பச்சை முட்டை

முட்டை ஆரோக்கியமாக தான் ஆனால், அவை முழுமையாக சமைக்கப்பட்டிருந்தால் மட்டுமே அது ஆரோக்கியமானது. சிலர் முட்டையை சமைக்காமல், பச்சையாக நாய்களுக்கு அளிப்பர் இது நாய்களுக்கு முற்றிலும் ஆபத்தானது. அவற்றின் உடலில் பயோட்டின் குறைபாட்டை ஏற்படுத்தி, கொத்து கொத்தாக முடி உதிர்வை ஏற்படுத்தும், மேலும் செரிமானக் கோளாறுகள், சரும பிரச்னைகளையும் ஏற்படுத்தும்.

பால் மற்றும் பால் பொருட்கள்

மனிதர்கள் அன்றாடம் எடுத்துக்கொள்ளும் ஆல்கஹால், சர்க்கரை மற்றும் உப்பு சேர்க்கப்பட்ட உணவுகள், பிரட் போன்ற பேக்கரி ஐட்டங்கள், தக்காளி மற்றும் உருளைக்கிழங்குகளை செல்ல நாய்களுக்கு கொடுப்பதை நிறுத்துங்கள். அவை அவற்றின் ஆரோக்கியத்துக்கு உகந்தவை அல்ல.