பிறந்த குழந்தைக்கு தேவையான விஷயங்களின் பட்டியலைப் இங்கு காணலாம்.

ஆடை :

இரு பாலினருக்கு ஏற்ற பிறந்த குழந்தைகளுக்கான ஆடை தற்போது நிறைய கிடைக்கின்றது. அதனால் குறைந்தது ஒரு வாரத்திற்குத் தேவையான ஆடைகளை வாங்கி வைக்கலாம். அதேபோல் குழந்தை கதகதப்பாக இருக்க ஏதுவாக, பனியன் துணியில் கிடைக்கும் தலை கவசமுடன் கூடிய துண்டுகளையும் வாங்கலாம். குழந்தையின் துணிகளைத் தனியாக சுடு நீரில் துவைப்பது மிகவும் பாதுகாப்பானது.

படுக்கை :

குழந்தை பிறந்த மூன்று மாதங்களுக்கு அதிக நேரம் தூக்கத்தில் தான் இருக்கும். அதனால் அந்த சமயத்தில் படுக்க ஏதுவாக, கொசுவலையுடன் கூடிய சிறிய படுக்கை செட்டை நீங்கள் வாங்கி வைக்கலாம். குழந்தை அடிக்கடி சிறுநீர் கழிக்கும் என்பதால், அதை உறிஞ்சும் மேட்டும் கண்டிப்பாக வாங்கி கொள்ளுங்கள்.

மசாஜ் எண்ணெய்:

மெனிக்யூர் செட்:

குழந்தைக்கும் நகம் வெட்டி மெனிக்யூர் செய்வது மிகவும் அவசியம். இல்லை என்றால் அவர்களது, சிறிய நகங்கள் முகத்தில் பல கீறல்களை இட்டுவிடும். அதனால் வாரம் இருமுறை நகம் வெட்ட இந்த மெனிக்யூர் செட் உபயோகமாக இருக்கும்.

பேபி வைப்ஸ்:

வாசனையற்ற நீர் கொண்ட துடைப்பான்கள் (பேபி வைப்ஸ்) பல நல்ல பிராண்ட்களில் கிடைக்கிறது. பிறந்த குழந்தை அடிக்கடி சிறுநீர் மற்றும் மலம் கழிக்கும். அந்த சமயத்தில் இந்த பேபி வைப்ஸ் கொண்டு துடைக்கலாம். வெளியே செல்லும் போது நீருக்கு அலைய வேண்டிய அவசியம் இருக்காது. இப்படி நல்ல பயன் உள்ள பொருள் இந்த பேபி வைப்ஸ்.

டயப்பர்கள்:

டயப்பர்கள் பெரும்பாலும் குழந்தைகளுக்கு அலர்ஜி ஏற்படுத்தும் என்றாலும் மருத்துவமனை, மற்றும் வெளியே செல்லும் போது இது அதிகம் தேவைப்படுகிறது. நீங்கள் விரும்பினால் துணியினால் கூட டயப்பர்கள் வடிவில் செய்து குழந்தைகளுக்கு பயன்படுத்தலாம். ஆனால் மறக்காமல், டயப்பர்கள், பேபி வைப்ஸ் போன்ற மக்காத கழிவுகளை கவனத்துடன் குப்பையில் போடவும்.

பருத்தி மிட்டன்:

மிட்டன்கள் என்பது பிஞ்சு கை, கால்களை மறைக்க உதவும் சாக்ஸ் போன்ற உறைகள். இதனால் கை, கால்கள் கதகதப்பாக இருக்கும் மேலும் வாயில் கைவைக்கும் பழக்கம் குழந்தைக்கு இருக்காது. அப்படிப்பட்ட குழந்தைகளுக்கு இது அவசியம்