மறுபுறம் விஞ்ஞானமோ உயிர் மனித உயிரிகளில் உள்ளது எனவும் மனிதனின் கோடிக்கணக்கான உயிரிகளும் உயிருடன் இருப்பதால் இந்த முடிவே சரியானதென்றும் வாதிடுகிறது. ஆனால் இந்த கேள்விக்கான ஊகங்கள் நீண்டுகொண்டே தான் உள்ளன.

சரி, உயிர் உண்மையில் எங்குதான் உள்ளது எனக் கேட்டால் இதற்கு பல பதில்கள் கூறப்படுகின்றன. இந்த பதில்கள் பற்பல ஆண்டுகால ஆராய்ச்சியின் விளைவாக உருவானவையே. மனித மூளை செயலிழந்தால் உயிர் போய்விடுமா என்று கேட்டால், கிடையாது. கோமா நிலைக்குச் செல்பவர்களுக்குக்கூட இதயம் துடித்துக்கொண்டுதான் இருக்கும்.

அதே சமயம் இதய பைபாஸ் அறுவை சிகிச்சை செய்யும்போது மருத்துவர்கள் இயந்திரத்தின் உதவியுடன் அறுவை சிகிச்சை நிறைவடையும்வரை ரத்த நாளங்களுக்கு ரத்தத்தை அளிக்க ஏற்பாடு செய்வர். எனவே இதயத்திலும் உயிர் இல்லை எனலாம். இதேபோல சிறுகுடல், கல்லீரல், கணையம் என எந்த பாகத்தை அறுவை சிகிச்சையில் அகற்றும்போதும் உயிர் போவதில்லை.

விஞ்ஞானி ஒருவர் கோழியில் தலையை வெட்டி அந்த தலையில்லா கோழிக்கு உணவை கழுத்துப் பகுதியில் உள்ள உணவுக் குழாய்க்கு ஊசி மூலமாக அளித்து சோதனை செய்தார். ஆனால் இந்த தலையில்லா கோழி இவ்வாறு உணவு உண்டு ஒன்றரை ஆண்டுகள் வாழ்ந்தது. இதேபோல சில பறவைகளுக்கு மூளை இல்லாமலும் உயிரை உடலில் தக்கவைக்கும் ஆற்றல் உள்ளது.

குறிப்பிட்ட ஓர் உடற்பாகத்தில் உயிர் இல்லை என்றால், உயிரி கோட்பாட்டையே நம்பவேண்டியுள்ளது. நமது உடல் உயிரிகளின் குரோமோசோம்களில் உயிர் இருக்கலாமென இப்போதைக்கு விஞ்ஞானம் இந்த கேள்விக்கு தற்காலிக பதிலை அளிக்கிறது. ஆனால் இந்த பதிலிலும் திருப்தி அடையாத ஆய்வாளர்கள் இருக்கவே செய்கின்றனர் என்பதையும் மறுப்பதற்கில்லை