ஆமைக்கு பற்கள் இல்லை. தாடை அருகே இருக்கும் கூர்மையான அலகு வாயிலாக உணவை சாப்பிடும். ஆமையின் ஓட்டில் நரம்பு முனைகள் இருப்பதால் தான், நாம் தொட்டால் அவை உடலை உள்ளிழுத்து கொள்கின்றன. வெளிநாட்டு இன ஆமைகள் குறிப்பாக 'ரெட் இயர் ஸ்லைடர்' எனும் சிவப்பு காது கொண்ட ஆமையை, நம்மூர் குளத்தில் விட்டால், அவை அங்கு இயற்கையாக வாழும் மீன் உள்ளிட்ட பிற இனங்களை சாப்பிட்டு, குளத்தின் சூழலை மாற்றிவிடும். ஆசையாக ஆமையை வாங்கி வளர்ப்போர் ஒரு கட்டத்தில் அதை வளர்க்க முடியாத நிலை ஏற்பட்டால், எக்காரணம் கொண்டும் குளத்தில் விட்டு விடக்கூடாது.