சாப்ட் ரூப் மற்றும் இரட்டை சீட்டுகள் கொண்ட இந்த காரில், 3 லிட்டர், இன்லைன் 6 - சிலிண்டர், எம் - ட்வின் டர்போ பெட்ரோல் இன்ஜின் வழங்கப்பட்டுள்ளது. வெறும், 4.5 வினாடியில், 100 கி.மீ., வேகத்தை அடையும். டாப் ஸ்பீடு, 250 கி.மீ.,ராக உள்ளது.

பெரிய 'ஹெக்சேகனல் கிட்னி' கிரில், மெல்லிசான எல்.இ.டி., டி.ஆர்.எல்., லைட்டுகள், ஏர் வெண்ட்டுகள், ரோட்ஸ்டர் கார்களுக்கான பிரத்யேக போனட் டிசைன், எம் - ஸ்போர்ட் 19 மற்றும் 20 அங்குல அலாய் சக்கரங்கள், 'எல்' வடிவ டெயில் லைட்டுகள், ட்வின் எக்சாஸ்ட்டுகள், பூட் லிட் ஸ்பாய்லர் ஆகியவை கொண்ட ஏரோடைனமிக் டிசைனில் இந்த கார் வடிவமைக்கப்பட்டுள்ளது.

உட்புறத்தில், புதிய சொகுசு லெதர் சீட்கள், 10.25 அங்குல இரட்டை டிஸ்ப்ளேக்கள், டூயல் ஜோன் ஏ.சி., எலக்ட்ரானிக் சீட்கள், ஒயர்லெஸ் சார்ஜிங் வசதி, ஹெட்ஸ் அப் டிஸ்ப்ளே, எம் - ஸ்போர்ட் உபகரணங்கள் உள்ளிட்டவை வழங்கப்படுகின்றன. ஆனால், வெண்ட்டிலேட்டட் சீட் அம்சம் வழங்கப்படவில்லை.

6 காற்று பைகள், டயர் அழுத்தம் கண்காணிப்பு வசதி, பஞ்சர் ஆனாலும் நீண்ட துாரம் பயணிக்கும் 'ரன் பிளாட்' டயர்கள், ஏ.பி.எஸ்., டிராக் ஷன் கன்ட்ரோல், பிரேக் அசிஸ்ட் ஆகியவை பாதுகாப்பு அம்சங்கள். இந்த காருக்கு, 'மெர்சிடிஸ் பென்ஸ் சி.எல்.இ., கேப்ரியோலெட்' கார் போட்டியாக உள்ளது.