இந்த காரின் சேசிஸ் பலப்படுத்தப்பட்டு, எடை குறைக்கப்பட்டுள்ளதாக இந்நிறுவனம் தெரிவித்துள்ளது. அதேசமயம், இன்ஜின் மற்றும் காற்றின் சத்தம், அதிர்வுகள் கேபினுக்குள் வராத அளவுக்கு உட்புறமும் மேம்படுத்தப்பட்டுள்ளது.

இதில், 1 லிட்டர், 3 சிலிண்டர், என்.ஏ., மற்றும் டர்போ பெட்ரோல் இன்ஜின்கள் வருகின்றன. இதில் உள்ள 'சிலிண்டர் போர்', அதிக மைலேஜ் மற்றும் இன்ஜின் எடை குறையும் வகையில் மேம்படுத்தப்பட்டுள்ளது. இந்த கார், 5 - ஸ்பீடு மேனுவல், ஏ.எம்.டி., மற்றும் சி.வி.டி., ஆட்டோ கியர்பாக்ஸ்களில் கிடைக்கின்றன.

ரெனோ அடையாளம், முன்புற கிரில், பம்பர்கள், ஆட்டோ எல்.இ.டி., ஹெட் லைட் மற்றும் டெயில் லைட்டுகள் உள்ளிட்டவை புதுப்பிக்கப்பட்டுள்ளன. வென்ட்டிலேட்டட் முன்புற சீட்கள், 8 மற்றும் 7 அங்குல டூயல் டிஸ்ப்ளேக்கள், ஒயர்லெஸ் சார்ஜிங் மற்றும் ஸ்மார்ட் போன் இணைப்பு, இரு கிளவ் பாக்ஸ்கள், க்ரூயிஸ் கன்ட்ரோல் உள்ளிட்டவை புதிய அம்சங்கள். 6 காற்று பைகள் (அடிப்படை), 21க்கும் அதிகமான பாதுகாப்பு அம்சங்கள் வழங்கப்படுகின்றன. இந்த கார், மொத்த 7 நிறங்களில் கிடைக்கிறது.