பைக் டிசைனில், பெரிய மாற்றங்கள் இல்லை; வெளிப்புற கிராபிக்ஸ், புதிய அலாய் சக்கரங்கள், கைகளை பாதுகாக்க ஹேண்ட் கார்டு, டிரான்ஸ்பரண்ட் கிளட்ச் கவர், ஸ்வைப் இண்டிகேட்டர்கள் ஆகியவை புதிய மாற்றங்கள்.

இதில், பழைய 312 சி.சி., சிங்கிள் சிலிண்டர், லிக்விட் கூல்டு இன்ஜின் பயன்படுத்தப்பட்டாலும், இன்ஜின் இன்லெட் வடிவமைப்பு மாற்றம், பலமான போர்ஜிடு பிஸ்டன் உள்ளிட்டவை பயன்படுத்தப்படுகின்றன. இது, இன்ஜின் பவரை சீராக வழங்கவும், அதிர்வுகளை குறைக்க உதவுவதாகவும் இந்நிறுவனம் தெரிவித்துள்ளது.

உயர்ரக பைக்குகளில் வரும், சாவி இல்லாமல் லாக், அன்லாக், ஸ்டார்ட் செய்யும் வசதி, இன்ஜின் பிரேக்கிங் செய்யும் போது டயர் வழுக்காமல் இருக்க டிராக் டார்க் கன்ட்ரோல், ரேஸ்களில் சிறப்பான ஆரம்ப பிக்கப் கிடைக்க லான்ச் கன்ட்ரோல், முழு அட்ஜஸ்டபில் முன்புற யூ.எஸ்.டி., போர்க் சஸ்பென்ஷன்கள், அதிக பிடிமானம் வழங்க மிஷலின் டூயல் காம்பவுண்ட் டயர்கள் உள்ளிட்ட வசதிகள் புதிதாக சேர்க்கப்பட்டுள்ளன. ஏற்கனவே இருந்த கூல்டு சீட் வசதி அகற்றப்பட்டுள்ளது.

நான்கு நிறங்கள் மற்றும் மூன்று மாடல்களில் கிடைக்கும் இந்த பைக்கின் துவக்க விலை, 5,000 ரூபாய் குறைக்கப்பட்டுள்ளது.