மேம்படுத்தப்பட்ட பம்பர்கள், சீரமைக்கப்பட்டுள்ள டி.ஆர்.எல்., மற்றும் ஹெட் லைட்டுகள், வெள்ளி நிற ஏர் வெண்ட்டுகள், புதிய அலாய் சக்கரங்கள், 'டி' வடிவ டெயில் லைட்டுகள் ஆகியவை டிசைன் மாற்றங்கள்.

9 அங்குல டச் ஸ்கிரீன் டிஸ்ப்ளேவுக்கு பதிலாக, 11.2 அங்குல டிஸ்ப்ளே, புதிய மென்பொருள் பயன்பாடு, ஓ.டி.ஏ., மென்பொருள் மேம்பாடுகள், கேபினுக்குள் வரும் சத்தத்தை குறைக்க கூடுதல் தடுப்புகள் ஆகியவை உட்புற மாற்றங்கள்.

இதர அம்சங்களை பொறுத்த வரை, 7 காற்று பைகள், அடாஸ் பாதுகாப்பு, 360 டிகிரி கேமரா, 4 - ஜோன் கிளைமேட் கன்ட்ரோல், 19 ஸ்பீக்கர் சவுண்டு சிஸ்டம், ஒயர்லெஸ் சார்ஜிங் வசதி, வெண்டிலேட்டட் சீட்கள் உள்ளிட்டவை வழங்கப்படுகின்றன.

இதன், மைல்டு ஹைபிரிட் இன்ஜின் மற்றும் இதர உபகரணங்களில் எந்த மாற்றமும் இல்லை. பிளக்கின் ஹைபிரிட் இன்ஜின் கொண்ட காரின் பேட்டரி ஆற்றல் அதிகரிக்கப்பட்டு, ரேஞ்ச் 74 கி.மீ.,ல் இருந்து 80 கி.மீ., வரை உயர்த்தப்பட்டுள்ளதாகக் கூறப்படுகிறது.

சிறப்பான பயண அனுபவத்துக்கு, ஏர் சஸ்பென்ஷன் அடிப்படை அம்சமாக வழங்கப்படுகிறது. முதற்கட்டமாக, சீனாவில் அறிமுகமாகும் இந்த கார், நடப்பு நிதியாண்டிற்குள் இந்தியாவில் அறிமுகப்படுத்தப்படும் எனக் கூறப்படுகிறது.