தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/வாராவாரம்/கண்ணம்மா/அவளே சரணம்/அன்புள்ள சிஸ்டர்!

அன்புள்ள சிஸ்டர்!

அன்புள்ள சிஸ்டர்!


PUBLISHED ON : மார் 13, 2022

Follow on GoogleFavourite on Google

PUBLISHED ON : மார் 13, 2022


Follow on Google
Latest Tamil News
அ நிறம் | அளவு

வனஜாவுக்கு 5 வயது இருக்கையில் தந்தை இறந்து போகிறார். ஆதரவாக இருந்த அண்ணன் விபத்தில் தவறுகையில் வனஜா பிளஸ் 2 மாணவி. தற்போது ஒப்பந்த செவிலியாக திருவாரூர், மன்னார்குடி அரசு மாவட்ட தலைமை மருத்துவமனையில் பணியாற்றி வருகிறார்.

பணி துவக்கம்: 2002

முதல் களம்: தனியார் மருத்துவ

மனை, மன்னார்குடி.

பதவி: செவிலி

துறை அனுபவம்: 20 ஆண்டுகள்

அம்மா பாடம்

உறவுகள் துணையில்லாம அம்மா என்னை வளர்த்தாங்க. 'எல்லார்கிட்டேயும் பேசு; கணீர் குரல்ல பேசு; வெளியில போக பயப்படாதே; ஆனா, வெளியில உள்ள ஆபத்துகளை தெரிஞ்சு வைச்சுக்கோ'ங்கிறது அம்மா சொல்லித் தந்த பாடம். திருமணம், குழந்தைன்னு ஆன பிறகு ஒரு செவிலியா பலதரப்பட்ட மனிதர்களை தொட்டு அணுகுறப்போ இந்த பாடத்தைதான் பாதுகாப்பு வளையமா நான் உணர்றேன்!

நோயாளிகள் சொல்ற பொய்களை கண்டுபிடிச்சிடுவீங்களா?

வழக்கறிஞராகுற ஆசை இருந்ததாலோ என்னவோ, ஒரு விஷயத்தை பல கோணத்துல அணுகுறது என் வழக்கம். பெரிய பிரச்னையை 'ஒண்ணும் இல்லை... சாதாரண காய்ச்சல்'னு கடந்து போறவங்களையும் பார்த்திருக்கேன்; தன்னை காப்பாத்திக்க 'நெஞ்சு வலி'ன்னு நாடகம் போடுறவங்களையும் பார்த்திருக்கேன். என்ன ஒண்ணு... எங்க பணியில இந்த புத்திசாலித்தனத்தை வெளிக்காட்டிக்க முடியாது!

ஆறரை ஆண்டுகளாக அரசு மருத்துவமனையில் பணியாற்றும் 39 வயது வனஜாவுக்கு, தன்னை போன்றோரை ஒப்பந்த பணியாளர்களாகவே அரசு வைத்திருப்பதில் வருத்தம். 'ஒப்பந்த ஊழியராக இத்தனை காலம் பணியாற்றியவர்களுக்கும், 'கொரோனா' காலத்தில் புதிதாக ஒப்பந்தம் செய்யப்பட்டவர்களுக்கும் ஒரே ஊதியம் என்றால் எங்கள் அனுபவத்திற்கு என்ன மதிப்பு' என்று வெதும்புகிறார்.

24/7 செவிலி

சில மாதங்களுக்கு முன்னால, என் பார்வையில ஒரு விபத்து. இரு சக்கர வாகனத்துல வேகமா போன இளைஞன், குறுக்கே வந்த ஆடு மேல மோதி கீழே விழுந்துட்டான். லேசான ரத்த கசிவு; ஆனா, சுவாசம் இல்லை. உடனே முதலுதவி பண்ணினேன். 'கோல்டன் ஹவர்'னு சொல்லப்படுற அந்த கணத்தை சரியா பயன்படுத்தினதால அவன் உயிர் பிழைச்சுட்டான்.

நீங்க யாருக்கெல்லாம் கடன்பட்டிருக்கீங்க?

நர்சிங் படிச்சுட்டு இருந்தப்போ இறுதி தேர்வு சமயத்துல எனக்கு மூளை காய்ச்சல்; எந்த உணர்வுமில்லாம மூன்று நாட்கள் படுக்கையில இருந்து மீண்டேன்; அந்த நாட்கள்ல என்னோட படிச்ச 14 மாணவியரும் உணவு எடுத்துக்காம எனக்காக பிரார்த்தனை பண்ணியிருக்காங்க; அந்த நன்றிக்கடனை என் வாழ்க்கையில தீர்க்கவே முடியாது.



சுருக்!


'செவிலியரோட உழைப்புக்கேற்ற பலன்களை கொடுங்க'ன்னு மக்கள் ஏன் குரல் எழுப்பத் தயங்குறாங்க?

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us