சுற்றுலா செல்கிறவர்கள் பார்க்க விரும்பும் இடங்களில் லண்டன், 'மேடம் துசாட்ஸ்' அருங்காட்சியகமும் ஒன்று. உலகப் புகழ்பெற்ற இந்த அருங்காட்சியகத்தில் அமெரிக்க அதிபர் பராக் ஒபாமா, பிரிட்டன் பிரதமர் டேவிட் கேமரூன், தென் ஆப்பிரிக்க புரட்சியாளர் நெல்சன் மண்டேலா உள்ளிட்ட பல உலக தலைவர்களின் சிலைகள் இருக்கின்றன. இப்போது, இந்தியப் பிரதமர் நரேந்திர மோடியும் இடம் பெறப்போகிறார். சிங்கப்பூர், ஹாங்காங், பாங்காக் உள்ளிட்ட நகரங்களில் அமைந்துள்ள இதன் கிளைகளிலும் மோடியின் சிலை இடம் பெறும்.