திருமலை திருப்பதியில் வருடாந்திர பிரம்மோற்சவ விழாவை முன்னிட்டு, பாபவிநாசம் சாலையில் உள்ள கல்யாண வேதிகை வளாகத்தில் தோட்டக்கலைத் துறை உள்ளிட்ட பல்வேறு துறைகள் இணைந்து நடத்தும் 10 நாள் சிறப்பு மலர் கண்காட்சி தொடங்கப்பட்டுள்ளது.மணல் கலைஞர் திரு. கோவிந்த் அவர்களால் வடிவமைக்கப்பட்டுள்ள ஸ்ரீ மகா விஷ்ணுவின் 'கல்கி அவதாரம்' மணல் சிற்பம் பக்தர்களைப் பெரிதும் கவர்ந்து வரவேற்பளிக்கிறது.தோட்டக்கலைத் துறை சார்பில் பல்வேறு வண்ண மலர்களால் வடிவமைக்கப்பட்ட சிற்பங்களுடன், ராமாயணக் காட்சிகளும் அறிவியல் அதிசயங்களும் எழிலுறப் படைக்கப்பட்டுள்ளன.கிருத, திரேதா, துவாபர மற்றும் கலியுகத்தின் கதைகளையும், புராண நிகழ்வுகளையும் விளக்கும் பிரம்மாண்ட அலங்காரங்கள் பார்வையாளர்களை வியப்பில் ஆழ்த்துகின்றன.