தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/வாராவாரம்/பொக்கிஷம்/புதுச்சேரி பிள்ளையார் குப்பத்தில் திருநங்கையர் திருவிழா!

புதுச்சேரி பிள்ளையார் குப்பத்தில் திருநங்கையர் திருவிழா!

புதுச்சேரி பிள்ளையார் குப்பத்தில் திருநங்கையர் திருவிழா!


PUBLISHED ON : மே 01, 2026 03:02 PM

Follow on GoogleFavourite on Google

PUBLISHED ON : மே 01, 2026 03:02 PM


Follow on Google
Latest Tamil News
அ நிறம் | அளவு

விழுப்புரம் மாவட்டம் கூவாகம் சித்திரைத் திருவிழாவிற்கு அடுத்தபடியாக, தற்போது தென்னிந்திய அளவில் கவனம் ஈர்த்து வருகிறது புதுச்சேரி பிள்ளையார் குப்பத்தில் உள்ள கூத்தாண்டவர் கோவில் திருவிழா. திருநங்கைகளின் உணர்வுகளையும், கலைத்திறனையும், பக்தி மார்க்கத்தையும் பறைசாற்றும் இந்த விழா, இந்த ஆண்டு புதுப்பொலிவுடன் கொண்டாடப்பட்டது.Image 1571480திருவிழாவின் தொடக்கமே வண்ணமயமாக அமைந்தது. ஊர் முழுவதையும் அலங்கரிக்கும் மின்விளக்குகளுக்கு இணையாக, திருநங்கைகளின் கலை நிகழ்ச்சிகள் மக்களைக் கட்டிப்போட்டன. நவீன உடைகளிலும், பளபளக்கும் பட்டுப் புடவைகளிலும் திருநங்கைகள் மேடையில் நடைபயின்ற போது, அங்கிருந்த பார்வையாளர்களின் கரவொலி விண்ணைத் தொட்டது.கிராமியக் கலைகள் முதல் தற்கால இசை வரை என அனைத்துத் திறமைகளையும் வெளிப்படுத்தி, 'நாங்கள் எதற்கும் சளைத்தவர்கள் அல்ல' என்பதை அவர்கள் நிரூபித்தனர்.Image 1571481மகாபாரதப் போரில் பாண்டவர்களின் வெற்றிக்காகத் தன்னையே பலிகொடுக்க முன்வந்தான் அரவான். அவனது கடைசி ஆசையான திருமணத்திற்காக, கிருஷ்ண பகவான் 'மோகினி' அவதாரம் எடுத்து அவனுக்கு மனைவியானார். அந்தப் புராண நிகழ்வை நினைவுகூரும் வகையில்:பூசாரியின் கையால் திருநங்கைகள் தாலி கட்டிக்கொண்டு, அரவானின் மணப்பெண்களாக மாறினர்.கழுத்தில் மஞ்சள் கயிறு ஏறிய அந்த நொடி, அவர்களின் முகத்தில் தெரிந்த பக்திப் பரவசம் அந்த இடத்தையே தெய்வீகமாக்கியது.

இந்த விழாவின் மிக முக்கியமான சிறப்பம்சமே அங்கு நிலவிய கண்ணியமான கட்டுப்பாடு தான்.ஆயிரக்கணக்கானோர் திரண்டிருந்தும், எவ்வித அசம்பாவிதமும் இன்றி ஒருவருக்கொருவர் மரியாதையுடன் நடந்துகொண்டனர்.பராம்பரிய பட்டுச் சேலைகள், மல்லிகைச் சரம் எனத் தமிழ்ப் பண்பாட்டின் அடையாளமாக அவர்கள் காட்சியளித்தது விழாவின் மதிப்பைக் கூட்டியது.

பிள்ளையார் குப்பம் கூத்தாண்டவர் திருவிழா என்பது வெறும் சடங்கு மட்டுமல்ல; அது திருநங்கைகளின் உரிமைக் குரலாகவும், அவர்களின் கலைப் பயணத்தின் மைல்கல்லாகவும் உருவெடுத்துள்ளது. புதுச்சேரியின் கலாச்சார வரைபடத்தில் இந்தத் திருவிழா ஒரு முக்கிய இடத்தைப் பிடித்துள்ளது என்பதில் ஐயமில்லை.

படங்கள்,செய்தி:புதுச்சேரி கருணாகரன்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us