பிப்.13 மாசி 1: முகூர்த்த நாள். ஏகாதசி விரதம். விஷ்ணுபதி புண்ணிய காலம். ஸ்ரீபெரும்புதுார் மணவாள மாமுனிகள் புறப்பாடு. ஸ்ரீரங்கம் நம்பெருமாளுக்கு திருமஞ்சனம். ஸ்ரீவில்லிபுத்துார் ஆண்டாள், ரெங்கமன்னார் கண்ணாடி மாளிகைக்கு எழுந்தருளல். மதுரை கூடலழகர், அழகர்கோவில் கள்ளழகர் புறப்பாடு.

பிப்.14 மாசி 2: சனிப்பிரதோஷம்.திருக்கோகர்ணம், ஸ்ரீசைலம், திருவைக்காவூர், காளஹஸ்தி தலங்களில் சிவபெருமான் சேஷ வாகனம். திருமயம் ஆண்டாள் திருக்கல்யாணம். திருப்பதி பெருமாள் கத்தவால் சமஸ்தான மண்டபம் எழுந்தருளல்.

பிப்.15 மாசி 3: முகூர்த்த நாள். மகா சிவராத்திரி. விஷ்ணு, பிரம்மா திருவண்ணாமலை சிவனின் அடிமுடி தேடிய லீலை. லிங்கோத்பவ தரிசனம். தேவதானப்பட்டி மூங்கிலணை காமாட்சி திருவிழா. காளஹஸ்தி, ஸ்ரீசைலம், திருவைக்காவூர், திருக்கோகர்ணம் தலங்களில் சிவன் ரிஷப வாகனம்.

பிப்.16 மாசி 4: முகூர்த்த நாள். திருவோண விரதம். போதாயன அமாவாசை. ராமேஸ்வரம் சுவாமி, அம்மன் தேர். நத்தம் மாரியம்மன் உற்ஸவம் ஆரம்பம். சாத்துார் வெங்கடேசப்பெருமாள் தோளுக்கினியானில் புறப்பாடு. வேதாரண்யம் சிவன் பவனி.

பிப்.17 மாசி 5: அமாவாசை. துவாபர யுகாதி. ஸ்ரீசைலம், திருவைகாவூர், திருக்கோகர்ணம், காளஹஸ்தி தலங்களில் சிவன் திருக்கல்யாணம். கோயம்புத்துார் கோனியம்மன் பூச்சாற்று விழா. திருக்கண்ணபுரம் சவுரிராஜப்பெருமாள் விபீஷணயாழ்வாருக்கு நடையழகு காண்பித்தருளல்.

பிப்.18 மாசி 6: சந்திர தரிசனம். கோட்செங்கட்சோழ நாயனார் குருபூஜை. சென்னை திருவல்லிக்கேணி பார்த்தசாரதி பெருமாள் கோயிலில் நரசிம்மர் திருமஞ்சனம்.

பிப்.19 மாசி 7: சுவாமிமலை முருகன் தங்ககவசம் அணிந்து வைரவேல் தரிசனம். திருப்பதி பெருமாள் புஷ்பாங்கி சேவை. நத்தம் மாரியம்மன் பவனி.