ADDED : அக் 07, 2016 10:16 AM

அ நிறம் | அளவு
அடையாள நாண்மலர் அங்கையில் ஏடு மணிவடமும்
உடையாளை நுண்ணிடை யொன்று மிலானை யுபநிடதப்
படையாளை எவ்வுயிரும் படைப்பாளைப் பதுமநறும்
தொடையாளை யல்லது மற்றினி யாரைத் தொழுவதுமே.
பொருள்:
தாமரை மலர் போல சிவந்த கையில் ஓலைச்சுவடியும், கழுத்தில் மணிமாலையும் அணிந்தவளே! மெல்லிடை பெற்றவளே! உபநிஷதத்தை தன்படைக்கலமாகக் கொண்டவளே! எல்லா உயிர்களையும் படைப்பவளே! நறுமணம் மிக்க வெள்ளைத் தாமரையில் வாழ்பவளே! உன்னையன்றி வேறு யாரையும் வணங்க மாட்டேன்.
குறிப்பு:
கம்பரின் சரஸ்வதி அந்தாதி பாடல்
