ஆடும் பரிவேல் அணிசேவல் எனப்

பாடும் பணியே பணியாய் அருள்வாய்

தேடும் கயமா முகனைச் செருவில்

சாடும் தனி யானைச் சகோதரனே.

பொருள்: முருகப்பெருமானே! நீ ஏறி விளையாடும் மயில், கையில் ஏந்தியுள்ள வேல், அழகு நிறைந்த சேவல் என உன் பெருமைகளைப் பாடும் பணியை எனக்கு அருள்வாயாக. போர்க்களத்தில் அசுரனான கஜமுகனைத் தேடிச் சென்று வதம் செய்யும் ஆனைமுகத்தானின் சகோதரனே! உன்னை வணங்குகிறேன்.