ADDED : ஏப் 19, 2022 02:50 PM

* நல்ல செயல்களை செய். புதுவாழ்வு மலர்வதை காண்பாய்.
* நீ செய்யும் தவறுகளுக்கு காரணம் ஆசையே. அதை தவிர்த்திடு.
* பிறர் தீமை செய்தாலும் பயப்படாமல் இரு. அது உன்னை பாதிக்காது.
* சோதனை வரும்போதுதான் உன்னுடைய பலத்தை அறிந்து கொள்கிறாய்.
* அனைத்தையும் கடந்தவர் கடவுள். அவரை எந்தவொரு எல்லைக்குள்ளும் கொண்டுவர முடியாது.
* தவறு செய்வது உன் இயல்பு. அதை ஏற்று அருள்வது கடவுளின் இயல்பு.
* உயிர்களிடம் நீ அன்பு காட்டினால் கடவுள் உன் மீது அன்பாக இருப்பார்.
* உடலை வருத்தி விரதம் இருப்பதைவிட உயிர்களை கொல்லாமல் இரு.
* கடவுளின் அருளைப் பெறவே நாம் மனிதப்பிறவியை எடுத்துள்ளோம்.
* நல்ல எண்ணத்தோடு இரு. அதுவே கவசமாக இருந்து உன்னை பாதுகாக்கும்.
* பெரியோர்களின் மனதை காயப்படுத்தாதே. அது பெரும்பாவம்.
* பயன்தரும் மரங்களை வெட்டாதே.
* பசியில் இருப்போருக்கு உணவு கொடு. அதுவே தர்மத்தில் மேலானது.
* உண்மையாக இருந்தால் உண்மையின் சக்தி உனக்கு புரியவரும்.
சொல்கிறார் வள்ளலார்
