ஜூலை 20 நினைவு நாள்

* பிறர் மீது அன்பாக இருங்கள். அதுதான் உண்மையான தெய்வீகமாகும்.

* பக்தியின் மூலம் முடியாத செயலையும் முடிக்கலாம்.

* எந்த அளவுக்கு பற்று இல்லாமல் இருக்கிறாயோ அந்த அளவுக்கு மனம் அமைதியாகும்.

* கடவுளிடம் சரணடைந்துவிட்டால் அவரே உன் வாழ்க்கையை பார்த்துக்கொள்வார்.

* மன நிம்மதி வேண்டுமானால் பிறரிடம் குறைகாணாதே. உன் தவறுகளை சரிசெய்.

* பொறுமையாக இரு. அதுவே உனக்கு நல்ல பெயரை வாங்கித் தரும்.

* பொறுமைக்கு நிகர் வேறு எதுவும் இல்லை.

* சொற்களால் யாரையும் காயப்படுத்தாதே.

* ஒரு செய்தி உண்மையாய் இருந்தாலும் அது பிறர் விரும்பவில்லையெனில் கூறாதே.

* மேகத்தை காற்று விலக்குவதுபோல் கடவுளின் துணையுடன் உலகப்பற்றைத் துறந்துவிடு.

* தைரியத்தை இழக்காமல் பிரார்த்தனை செய். உரிய காலத்தில் வேண்டியவை கிடைக்கும்.

* சாதனைக்கேற்ற காலம் இளமைப் பருவமே. அதை வீணடிக்காதே.

* உண்மையான அன்பின்றி கடவுளை உணர முடியாது.

* சோம்பல் குணத்தினால் உடலும் மனமும் கெடுகிறது.

* மன அமைதிக்கு நிகரான புதையல் இல்லை.

* மனபலத்துக்கு நிகரான நல்லொழுக்கமும் இல்லை.

என்கிறார் சாரதாதேவியார்