செப்.11 பாரதியார் நினைவு நாள்

* நடந்தது நடந்தாக இருக்கட்டும். இனி நடப்பது நல்லதாகட்டும் என்று நம்பி முயற்சியில் ஈடுபடு.

* ஏமாற்றாமல் வாழ்வதே ஆன்மிகம். அந்நிலையில் மனிதன் தெய்வநிலைக்கு உயர்கிறான்.

* தன்னிடத்தில் உலகையும், உலகத்திடம் தன்னையும் காண்பவனே உண்மையில் கண்ணுடையவன்.

* கோயில் வழிபாட்டால் ஊர் ஒற்றுமையும், வீட்டு வழிபாட்டால் குடும்ப ஒற்றுமையும் உண்டாகும்.

* குறைகளைப் பொறுக்கும் தன்மை அன்புக்கு உண்டு. உண்மையாக நேசிப்பவர்கள் கோபம் கொள்வதில்லை.

* மனம் போன போக்கில் செல்லாதே. அறிவு காட்டும் பாதையில் செல்.

* எந்த தொழிலையும் முடியாது என கைவிடாதே. திறமை யுள்ளவனிடம் பணியாளாக இருந்து கற்றுக் கொள்.

* மனதில் உற்சாகம் இருந்தால் உடல்நிலை தீவிரமடையும். உடம்பைத் தீவிரப்படுத்தினால் மனம் புத்துணர்வு பெறும்.

* கவலை, பயத்திற்கு உள்ளத்தை இரையாக்காதே. தெய்வத்தை நம்பி உழைப்பில் ஈடுபடு.

* தவறில் இருந்து உன்னை திருத்திக் கொள்வதில் தயக்கம் கொள்ளாதே.

* உள்ளத்தில் கர்வம் நுழைந்தால் தர்மத்தின் பிடியில் இருந்து நழுவி விடுவாய்.

* 'இன்று புதிதாய்ப் பிறந்தோம்' என்ற எண்ணமுடன் வாழ்ந்தால் மகிழ்ச்சிக்கு குறைவிருக்காது.

* படிப்படியான வளர்ச்சி நிலைக்கும். வேகமான அசுர வளர்ச்சியோ காணாமல் போகும்.

* துணி வெளுக்க மண்ணும், தோல் வெளுக்க சாம்பலும் உண்டு. ஆனால் மனதை வெளுக்க வழியில்லையே?

வாழ்த்துகிறார் தேசியக்கவி