* ஒரு பக்கம் கடவுள் என்னும் அருட்சக்திக்காவும், மறுபக்கம் பொய் என்னும் பகைச் சக்திக்காகவும் வாழ்வு நடத்தாதீர்கள். நேர்மை, உண்மைக்காகவும் மட்டும் உங்கள் மனக்கதவு திறந்திருக்கட்டும்.

* நாம் கடவுளை நோக்கி ஒரு அடி வைத்தால், அவர் நம்மை நோக்கி நூறு அடி வந்து விடுவார். நாம் அனைவரும் அவரது கையில் உள்ள தேர்ந்த கருவியாக இருக்க முயற்சிக்க வேண்டும்.

* இடையூறு என்பது நம்மை சுற்றியுள்ள சூழலில் இருந்து உண்டாவதாக கருதுவது தவறு. உண்மையில் இடையூறு நமக்குள் இருந்தே உருவாகிறது. எதை கொடுத்தாலும், யாருக்கு கொடுத்தாலும் அதை கடவுளுக்கே கொடுக்கிறோம் என்னும் உணர்வை வளர்த்துக் கொண்டால் எதிரி என்ற சொல்லுக்கு இடமிருக்காது.

* கடவுளின் கண்களுக்கு அற்பமானது என்று உலகில் ஏதுமில்லை. அது போல உங்களின் கண்களுக்கும் அற்பமானது என்று எதுவும் இருக்க வேண்டாம்.

* உத்தம செயல்களில் ஈடுபட நினைத்தால், அதை உடனடியாகச் செய்வதே சிறந்தது. இல்லாவிட்டால் எதிர்காலத்தில் அதை நிறைவேற்றும் வாய்ப்பு கிடைக்காமல் போய் விடலாம்.

* சோர்வு, உங்களை சோர்வடைய செய்ய அனுமதிக்காதீர்கள். அதிலிருந்து விலகி நின்று அதற்கான காரணத்தை அறிய முற்படுங்கள். எப்பாடுபட்டாவது சோம்பலில் இருந்து உங்களை காத்துக் கொள்ளுங்கள்.

வழிகாட்டுகிறார் அரவிந்தர்