* பெற்றோரின் பேச்சை புறக்கணிப்பது மன்னிக்க முடியாத குற்றம்.

* இரக்கம் கொண்ட இதயத்தில் தெய்வம் குடியிருக்கும்.

* புறம் பேசி மற்றவர் குடும்பத்தில் கலகம் உண்டாக்காதீர்.

* உள்ளொன்று வைத்துப் புறம் ஒன்று பேசுவோரின் உறவு கூடாது.

* நீதி, நேர்மையை பின்பற்றி நடப்பவர்களே உயர்ந்த மனிதர்கள்.

* எளிய உயிர்களுக்கும் உதவி செய்வதே உயர்ந்த பண்பு.

* மன ஒருமையுடன் பக்தியில் ஈடுபடும் உத்தமர் உறவை நாடுங்கள்.

* எந்தச் சூழலிலும் உண்மை ஒருவனுக்கு பாதுகாப்பு அளிக்கும்.

* நல்ல எண்ணம் இருந்தால் மட்டுமே ஒழுக்கமுடன் வாழ முடியும்.

* நல்லோர் மனம் நடுங்கச் செய்வதும், தானம் செய்வதை தடுப்பதும் பெரும் பாவம்.

* மாமிசம் சாப்பிட்டு உடலை வளர்ப்பவன் இழிநிலைக்கு ஆளாவான்.

* கடவுளுக்காக செலவழிக்க விரும்பினால் ஏழைகளுக்கு உதவுங்கள்.

* பிறர் குற்றத்தை பெரிதுபடுத்தாமல் உங்களின் தவறை திருத்துங்கள்.

* ஏழைகளின் பசியை போக்கினால் கடவுளின் உள்ளம் குளிரும்.

* பிறருக்கு மட்டுமின்றி தனக்கும் கோபம் தீமையே செய்கிறது.

* அனைவரும் கல்வி கற்க வேண்டும்.

* பசியை பொறுப்பதை விட உயிர்களை கொல்லாமல் இருப்பது சிறந்தது.

வழிகாட்டுகிறார் வள்ளலார்