அக்.26 - ஷீரடி சாய்பாபா ஸித்தி தினம்

* குழந்தைகளையும், பெண்களையும் அன்புடன் நடத்துங்கள்.

* எதிரி பத்து வார்த்தை பேசினால் பதிலுக்கு ஒரு வார்த்தை போதும்.

* கடவுள் விரும்பும் காணிக்கை இரண்டு; பொறுமை, நம்பிக்கை.

* கடவுளைத் தேடுவது ஒன்றே வாழ்வின் குறிக்கோள்.

* எல்லா உயிர்களிலும் கடவுள் நிறைந்திருக்கிறார்.

* தகுதி உள்ளவருக்கு மட்டுமே கடவுளின் தரிசனம் கிடைக்கும்.

* துன்பத்தில் இருந்து விடுபட மனதை கடவுளின் பக்கம் திருப்புங்கள்.

* கடவுளைத் தவிர வேறு யாராலும் நம்மைக் காப்பாற்ற முடியாது.

* வழிபாட்டுக்கு ஆடம்பரம் கூடாது. பக்தி இருந்தால் போதும்.

* கடவுளைச் சரணடைந்து வாழ்வதே உண்மையான விரதம்.

* யாரிடமும் பகை வேண்டாம். அனைவருமே கடவுளின் பிள்ளைகள்.

* ஆணவம் இன்றி கடவுளின் வேலைக்காரனாக சேவையில் ஈடுபடுங்கள்.

* உலகம் பற்றிய கவலை வேண்டாம். உள்ளம் என்ன நினைக்கிறது என்பதே முக்கியம்.

* உண்மை எது என்பதை அறிந்து செயல்படுவதே விவேகம்.

* உடம்பை புறக்கணிப்பதோ, அதிகம் பராமரிப்பதோ கூடாது.

* பணம் எவ்வளவு இருந்தாலும், கர்ம வினையை அனுபவித்தாக வேண்டும்.

* பொறுமையைக் கைவிடாதீர். தாமதமானாலும் பலன் கிடைக்கும்.

* கடவுளிடம் சரணடைவதே உண்மையான கவுரவம்.

* பணியில் கவனம் செலுத்துங்கள். ஆழ்மனம் கடவுளை சிந்திக்கட்டும்.

* ரகசியம் எதுவும் கிடையாது. அனைத்தையும் கடவுள் அறிவார்.

* தர்மவழியை பின்பற்றினால் கடவுளின் அருளைப் பெற முடியும்.

* தேவையானதை பணிவுடன் கடவுளிடம் கேளுங்கள்; நிறைவேற்றுவார்.

* பிறர் மதிக்க வேண்டும் என்பதற்காக பக்தியில் ஈடுபடக் கூடாது.

வேண்டுகிறார் ஷீரடி மகான்