* பழம் போல இனிய சொல் இருக்க காய் போல கடுஞ்சொல் எதற்கு?

* கல்வியின் நோக்கம் கடவுளின் திருவடிகளை வணங்குவதே.

* பணிவும், இனிய சொல்லும் கொண்டவருக்கு வேறு ஆபரணம் தேவையில்லை.

* ஒருவர் செய்த உதவியை மறக்காதீர்கள். பிறர் செய்த கெடுதலை மறந்து விடுங்கள்.

* மனிதனுக்கு சிறப்பைத் தருவது ஒழுக்கமே. அதை உயிரினும் மேலாக போற்றுங்கள்.

* ஊருக்கு நடுவில் உள்ள பழுத்த மரம் போல நல்லவரின் செல்வம் பலருக்கும் பயன்படும்.

* நாளை பார்க்கலாம் என்று, நல்ல செயல்களை தள்ளி வைக்காதீர்.

* நல்ல மனைவி அமைந்தால் நல்வாழ்வு கிடைத்தது போலாகும்.

* யாருக்கும் தீங்கு தராத சொற்களைப் பேசுவதே உண்மை.

* சோர்வுக்கு இடம் தராமல் உழைத்தால் வெற்றி கிடைக்கும்.

* ஊக்கமுடன் உழைத்தால் அதற்கான பலன் கிடைப்பது உறுதி.

* தாயின் பசி போக்குவதற்காகக் கூட தீய செயல்களில் ஈடுபடாதீர்.

* மனதில் உறுதி இருந்தால், நினைத்ததை அடையலாம்.

* நல்ல நுால்களை படியுங்கள். நல்லவர்களிடம் நட்பு கொள்ளுங்கள்.

* ஒருவரிடம் பணம் இருந்தால் மட்டும் போதாது. குணம் அவசியம்.

திருந்தச் சொல்கிறார் திருவள்ளுவர்