அருள்வித்தகர் என்னும் அந்தணர் பூக்கூடையுடன் காவிரியாற்றின் குறுக்கே சென்று கொண்டிருந்தார். அப்போது ஆற்றில் வெள்ளம் அதிகரித்தது.

அப்போது துறவி வடிவில் தோன்றிய சிவன் படித்துறைக்குச் செல்ல வழிகாட்டி, அந்தணரை கரையேறச் செய்தார். இதன் அடிப்படையில் எழுந்த சிவன் கோயில் மயிலாடுதுறை - சிதம்பரம் சாலையிலுள்ள விளநகர் என்னும் இடத்தில் உள்ளது. சுவாமிக்கு 'துறை காட்டும் வள்ளல்' என்பது திருநாமம். அம்மனின் பெயர் வேயுறு தோளியம்மை. மூங்கில் போல வளைந்த தோள்களை கொண்டவள் என்பது பொருள்.