அவனவன் தலையெழுத்துப்படி தான் வாழ்வு நடக்கும். இதை பிரம்மாவே தன் கையால் நம் தலையில் எழுதுகிறார். அதனால் தலையெழுத்தை 'பிரம்ம லிபி' என்பர். இதன் அடிப்படையில் தான், நவக்கிரகங்கள் நன்மை தீமையை ஏற்படுத்துகின்றன. முருகனை வழிபட்டால் தலையெழுத்தை மாற்றலாம் என்கிறார் அருணகிரிநாதர். ' முருகா! நின் கால்பட்டு அழிந்தது அயன்(பிரம்மா) கையெழுத்தே' என்று பாடியுள்ளார். முருகனை சரணடைந்தால் விதியை வெல்லும் வலிமை உண்டாகும்.