மாநிலமாக இருந்த ஜம்மு - காஷ்மீர், 2019ல் இரண்டு யூனியன் பிரதேசங்களாக பிரிக்கப்பட்டது.மேலும், ஜம்மு - காஷ்மீருக்கு அளிக்கப்பட்டு வந்த சிறப்பு அந்தஸ்தும் ரத்து செய்யப்பட்டது.

ஜம்மு - காஷ்மீர் யூனியன் பிரதேசமாக இருந்தாலும், அது, சட்டசபையுடன்கூடியதாக இருக்கும் என, மத்திய அரசு அறிவித்தது; இதன்படி, சமீபத்தில் அங்கு சட்டசபை தேர்தல் நடந்தது.

சிறப்பு அந்தஸ்து ரத்து செய்யப்பட்ட பின் நடந்த முதல் சட்டசபை தேர்தல் என்பதால், அதன் முடிவுகள் பெரும் எதிர்பார்ப்பை ஏற்படுத்தின; இதில், தேசிய மாநாட்டு கட்சி அதிக தொகுதிகளில் வெற்றி பெற்று ஆட்சி அமைத்தது.

அந்த கட்சியின் தலைவர் ஒமர் அப்துல்லா, முதல்வராக பதவியேற்றார்; ஆனால், அவரால் அந்த மகிழ்ச்சியை கொண்டாட முடியவில்லை. ஏனெனில், அவர் பதவியேற்ற நாள் முதல், பயங்கரவாதிகள் தொடர்ச்சியாக ஜம்மு - காஷ்மீர் முழுதும் தொடர் தாக்குதல்களை நடத்தி வருகின்றனர்.

இதற்கு முன் குறைந்த அளவில் தான் தாக்குதல்கள் நடந்து வந்தன. தற்போது தாக்குதல் அதிகரித்துஉள்ளதால், முதல்வராக இருக்கும் ஒமர் அப்துல்லா செய்வதறியாது திகைக்கிறார். 'ஆரம்பமே நமக்கு ஆட்டம் காட்டுதே...' என புலம்புகிறார்.