அதிகரிக்கும் வெப்பநிலை

பூமியின் சராசரி வெப்பநிலை 2100ம் ஆண்டுக்குள் 2.3 டிகிரி முதல் 4.5 டிகிரி செல்சியஸ் அதிகரிக்கும் என பருவநிலை மாற்றத்துக்கான ஐ.நா., அமைப்பு (ஐ.பி.சி.சி.,) ஏற்கனவே மதிப்பிட்டிருந்தது. இந்நிலையில் பூமியின் சராசரி வெப்பநிலை 7 முதல் 14 டிகிரி செல்சியஸ் அதிகரிக்கும் என நெதர்லாந்தின் அல்ட்ரெக்ட் பல்கலை ஆய்வில் எச்சரிக்கப்பட்டுள்ளது. பசிபிக் பெருங்கடலின் மண், பாறை மாதிரிகளை ஆய்வு செய்தனர். இதனடிப்படையில் பூமியின் வளிமண்டலத்தில் கார்பன்-டை-ஆக்சைடு வாயு அதிகரிப்பதே இதற்கு காரணம் என ஆய்வில் கண்டறிந்தனர்.