விவசாயத்தை பாதிக்கும் காற்றுமாசு

காற்றுமாசு காரணமாக இந்தியாவின் நெல், கோதுமை உற்பத்தியில் லட்சக்கணக்கான டன் அளவு குறைந்துள்ளது என ஆய்வு தெரிவித்துள்ளது. இதற்கு நிலக்கரி சுரங்கம் முக்கிய காரணமாகிறது. நைட்ரஸ் ஆக்சைடு வெளியீட்டில் 30% முதல் 40% பங்கு, நிலக்கரி உற்பத்தியால் ஏற்படுகிறது. இந்தியாவில் மின்சார உற்பத்தியில் பெருமளவு நிலக்கரி தான் பயன்படுத்தப்படுகிறது. நிலக்கரி சுரங்கம், அவை தொடர்பான மின்சார உற்பத்தி நிலையங்களில் இருந்து 100 கி.மீ., துாரம் வரை நெல், கோதுமை விளைச்சலில் இவை பாதிப்பை ஏற்படுத்துகிறது என தெரிவிக்கப்பட்டுள்ளது.