அதிகரிக்கும் வெப்பநிலை

தொழில்புரட்சிக்கு முந்தைய சராசரியை விட, 2026 - 2030 இடையிலான உலகின் சராசரி வெப்பநிலை, 1.5 டிகிரி செல்சியஸ் அதிகரிக்க 75% வாய்ப்புள்ளது என ஐ.நா., பிரிட்டன் வானிலை அமைப்புகள் இணைந்து நடத்திய ஆய்வு தெரிவித்துள்ளது. 'பூமியின் வெப்பமான ஆண்டு - 2024' என்பதை, இந்த ஐந்து ஆண்டுக்குள் ஏதாவது ஒரு ஆண்டு முறியடிப்பதற்கு 86% வாய்ப்பு உள்ளது என உலக வானிலை அமைப்பு தெரிவித்துள்ளது. அதிகரிக்கும் வெப்பநிலையால் உணவுப்பொருள் உற்பத்தி பற்றாக்குறை, காட்டுத்தீ உள்ளிட்ட பாதிப்புகள் ஏற்படும் என விஞ்ஞானிகள் எச்சரித்துள்ளனர்.