சூரிய குடும்பத்தில் உள்ள கோள்களில் பெரியது வியாழன். இது சூரியனை ஒருமுறை சுற்றி வர 11.86 ஆண்டுகள் ஆகிறது. பூமியில் இருந்து 63 கோடி கி.மீ., துாரத்தில் உள்ளது. இந்நிலையில் வியாழன் கிரகத்தை பார்க்கும் வாய்ப்பு உருவாகியுள்ளது.

2026 ஜன. 10ல் வியாழன் - சூரியன் இடையே பூமி கடந்து செல்கிறது. அப்போது முன்பை விட, பூமிக்கு அருகில் வியாழன் வரும். சூரிய மறைவுக்குப்பின் கிழக்கு திசையில் வியாழன் கோளை, எவ்வித உபகரணங்கள் இன்றி வெறும் கண்ணால் பார்க்கலாம். இதற்கடுத்து 2027 பிப். 10ல் இதுபோல பூமியில் இருந்து வியாழனை காணலாம்.