கண்ணை பாதிக்கும் விண்வெளி

அமெரிக்கா, ரஷ்யா, பிரிட்டன் உள்ளிட்ட நாடுகளின் விண்வெளி வீரர்கள், பூமியில் இருந்து 400 கி.மீ., உயரத்தில் சுற்றி வரும் சர்வதேச விண்வெளி மையத்துக்கு (ஐ.எஸ்.எஸ்.,) சென்று தங்கி ஆய்வு செய்து பூமிக்கு திரும்பி வருகின்றனர். இந்நிலையில் புவிஈர்ப்பு விசை இல்லாத விண்வெளியில் ஐந்து மாதத்துக்கு மேல் தங்குபவர்களுக்கு வாசிக்க சிரமப்படும் அளவுக்கு கண் பாதிப்பு அபாயம் ஏற்படுவதாக விஞ்ஞானிகள் ஆய்வு தெரிவித்துள்ளது. நீண்டகாலம் தங்கி பூமி திரும்பிய விண்வெளி வீரர்களில், 70 சதவீதம் பேருக்கு இப்பாதிப்பு ஏற்பட்டுள்ளது என தெரிவித்துள்ளனர்.