வானிலை, காலநிலை இரண்டும் வெவ்வேறானது. வானிலை என்பது குறிப்பிட்ட இடத்தில் ஒரு குறுகிய நேரத்துக்குள் (24 மணி) நிலவும் வளிமண்டலத்தின் நிலை. அவை வெப்பம், காற்றழுத்தம், ஈரப்பதம், மழையளவு, மேகமூட்டம், காற்றின் வேகம், திசையால் வரையறுக்கப்படுகிறது.

இதன் வேறுபாடுகள் ஒரு குறிப்பிட்ட இடத்தில் விழும் சூரிய கதிரின் கோணத்தை பொறுத்து அமைகிறது. இவை வெப்ப மண்டலத்திலிருந்து ஒவ்வொரு அட்ச ரேகைக்கும் வேறுபடுகிறது. காலநிலை என்பது நீண்டகாலத்தில் (பத்தாண்டு முதல் நுாற்றாண்டு) ஒரு பெரும் பரப்பளவில் காணப்படும் வானிலை சராசரி.