டவுட் தனபாலு: சமூக நீதியை மதிக்காத காங்., தலைமையிலான ஐ.மு., கூட்டணியில, 2004ல் ஏன் சேர்ந்தீங்க... அப்ப, மத்தியில் காங்., தலைமையில் அமைந்த அரசில், உங்க மகன் அன்புமணியை ஏன் அமைச்சராக்குனீங்க என பல, 'டவுட்'கள் கிளம்புதே!



ஆந்திர மாநில காங்கிரஸ் தலைவர் ஒய்.எஸ். ஷர்மிளா: மத்தியில் காங்கிரஸ் ஆட்சிக்கு வந்தால், ஒவ்வொரு ஏழை குடும்பத்துக்கும் மாதந்தோறும் 8,500 ரூபாய் வழங்கப்படும். மகிளா மகாலட்சுமி திட்டத்தின் கீழ் பெண்களுக்கு மட்டுமே வழங்கப்படும் இந்த தொகையால், ஒரு குடும்பத்துக்கு ஆண்டுக்கு 1 லட்சம் ரூபாய் கிடைக்கும். 5 லட்சம் ரூபாய் வரையிலான விவசாய கடன்கள் தள்ளுபடி செய்யப் படும். சமூக பாதுகாப்பு ஓய்வூதியமாக 4,000 ரூபாயும், மாற்றுத்திறனாளிகளுக்கு 6,000 ரூபாயும் மாதந்தோறும் வழங்கப்படும்.

டவுட் தனபாலு: தேர்தல்ல ஜெயிச்சா தான், இதை எல்லாம் செய்யணும்னு நினைச்சு வாக்குறுதிகளை வாரி வீசுறீங்களா அல்லது உங்க கூட்டணி பார்ட்னரான தி.மு.க., மாதிரி, ஜெயிச்சதும் மக்களுக்கு, 'அல்வா' தந்துடலாம்னு நினைச்சு அடிச்சு விடுறீங்களா என்ற, 'டவுட்'தான் வருது!



பா.ஜ., தேசிய மகளிரணி தலைவர் வானதி சீனிவாசன்: ஆம் அத்மி கட்சி தலைவரும், டில்லி முதல்வருமான அரவிந்த் கெஜ்ரிவால் சிறைக்கு சென்றுள்ளதால், அவரது மனைவி முதல்வராக தயாராகி வருகிறார். அதாவது, தி.மு.க.,வை பின்பற்றி ஊழல் செய்த கெஜ்ரிவால், அடுத்து குடும்ப ஆட்சிக்கும் தயாராகி விட்டார்.

டவுட் தனபாலு: அது சரி... அரவிந்த் கெஜ்ரிவாலுடன் தி.மு.க., சேர்ந்தப்ப, அவர் கட்சி மாதிரியே இவங்க கட்சியும் மாறும்னு பலரும் நினைச்சாங்க... கடைசியில், கெஜ்ரிவாலை தங்களது பாணிக்கு மாற்றிய பெருமையை தி.மு.க., தட்டிட்டு போயிடுச்சு என்பதில், 'டவுட்'டே இல்லை!

