டவுட் தனபாலு: உங்களுக்கு பின் கட்சிக்கு வந்தவங்களும், அ.தி.மு.க.,வுல இருந்து வந்த பலரும் அமைச்சர்களா பவனி வர்றாங்களே... அண்ணாதுரை காலத்து அரசியல்வாதியான உங்களுக்கு எந்த பதவியும் கிடைக்காததுல, யார் மீதும் பொறாமையே வரலையா என்ற, 'டவுட்' வருதே!

பா.ஜ., தேசிய தலைவர் நட்டா: அனைத்து கட்சிகளிலும் வாரிசுகள் அல்லது குறிப்பிட்ட ஒரு பிரிவினர் மட்டுமே தலைமை பதவிக்கு வர முடியும். மோடியை போல சாதாரண குடும்பத்தில் இருந்து வந்தவர்களும், நாட்டின் பிரதமராக வரும் ஒரே கட்சி, பா.ஜ., மட்டுமே. பா.ஜ.,வில் அனைவருக்கும் சம உரிமையும், வாய்ப்பும் உள்ளது.

டவுட் தனபாலு: அதுவும் சரி தான்... காங்., - தி.மு.க., - ம.தி.மு.க., - ராஷ்ட்ரீய ஜனதா தளம், சமாஜ்வாதி, டி.ஆர்.எஸ்., தெலுங்கு தேசம்னு நாடு முழுக்க எந்த கட்சியை எடுத்துக்கிட்டாலும், வாரிசு அரசியல் தான் கோலோச்சுது... அந்த வகையில், பா.ஜ., ஒரு வித்தியாசமான கட்சி தான் என்பதில், 'டவுட்'டே இல்லை!

பத்திரிகை செய்தி: பள்ளிக்கல்வி துறையில் அடிக்கடி சர்ச்சைகள் ஏற்படுகின்றன. இதனால், அமைச்சர் மகேஷுக்கு துறையை மாற்றிக் கொடுக்கும் முடிவுக்கு முதல்வர் தரப்பினர் வந்துள்ளனர். வரும், 14ம் தேதி, முதல்வர் தமிழகம் திரும்புகிறார். அதன் பின், அமைச்சரவை மாற்றம் இருக்கலாம்.

டவுட் தனபாலு: இதே, ஜெயலலிதா ஆட்சியாக மட்டும் இருந்திருந்தால், பள்ளிக்கல்வி துறையில் தொடரும் சர்ச்சைகளுக்கு, 10 அமைச்சர்களை மாத்தியிருப்பாங்க... தி.மு.க., அரசில் மட்டும் தான், தப்பு செய்றவங்களை துறை மாற்றி விடும் அபத்தங்கள் எல்லாம் நடக்கும் என்பதில், 'டவுட்'டே இல்லை!