டவுட் தனபாலு: சட்டசபை தேர்தலில், 'சீட்' தராததால, பனையூர் பாபு தி.மு.க., பக்கம் போயிட்டார் என்பதில், 'டவுட்'டே இல்லை... அதே நேரம், நாலு பேர்தானே போயிருக்காங்கன்னு நீங்க அசால்டா இருந்தா, அது, 40, 400, 4,000னு பெருகிடும் என்பதிலும், 'டவுட்'டே இல்லை!

பத்திரிகை செய்தி: திருச்சியில் உள்ள மாவட்ட பா.ஜ., தலைமை அலுவலகத்தில், மாநில நிர்வாகிகள் மற்றும் மாவட்ட தலைவர்கள் ஆலோசனை கூட்டம் நடந்தது. 'தமிழக பா.ஜ.,வின் ஒவ்வொரு நிர்வாகி யும் தங்கள் பகுதியில் உள்ள தொண்டர்களை சந்தித்து, கட்சி வளர்ச்சி பணிகளை மேற் கொள்ள வேண்டும்' என, தமிழக பா.ஜ., தலைவர் நயினார் நாகேந்திரன் அறிவுறுத்தினார்.

டவுட் தனபாலு: உங்க கட்சி யின் முன்னாள் மாநில தலைவர் அண்ணாமலை துவங்கியிருக்கும் புதிய இயக்கத்தில், உங்க கட்சி யினர் அணி அணியா போய் சேர்ந்துட்டு இருக்காங்க... அதனால, இல்லாத தொண்டர் களை போய் உங்க கட்சி நிர்வாகி கள் எப்படி சந்திக்க முடியும் என்ற, 'டவுட்' வருதே!

விருதுநகர் காங்., - எம்.பி., மாணிக்கம் தாகூர்: 'இண்டி' கூட்டணி கூட்டத்தில், வி.சி.க., தலைவர் திருமாவளவன் பேசிய கருத்து ஆச்சரியமாக உள்ளது. கேரளா, மேற்கு வங்கம், தமிழகத்தில் காங்கிரசை வலுப்படுத்த முயற்சிப்பது, 'இண்டி' கூட்டணியை பலவீனப்படுத்தும் செயலாக எப்படி அமையும்? காங்., வலுவாக இருந்தால் தான் இண்டி கூட்டணி வலுவாக இருக்கும். தமிழகத்தில் காங்., தன் அடையாளம், அமைப்பை வலுப்படுத்த முயற்சிப்பதை, கூட்டணியை எதிர்ப்பதாக சித்தரிப்பது சரியல்ல.

டவுட் தனபாலு: 'இண்டி' கூட்டணியை வலுப்படுத்துறோம்னு சொல்லி, உங்க தலைமை நடத்திய நாட்டாமையால, ஆம் ஆத்மி, தி.மு.க., போன்ற பெரிய கட்சிகளே ஓட்டம் பிடிச்சுட்டாங்க... எஞ்சியிருக்கும் கட்சிகளையாவது தக்க வச்சுக்கணும் என்றால், 'பெரியண்ணன்' மனோபாவத்தை காங்., மாத்திக்கணும் என்பதில், 'டவுட்'டே இல்லை!