டவுட் தனபாலு: மறைந்த முன்னாள் முதல்வர்களான அண்ணாதுரை, கருணாநிதி காலங்களில் இருந்தே, தி.மு.க.,வின் சார்பு அணி மாதிரிதான் நீங்க செயல்பட்டீங்க... உங்க கட்சிக்கு ஒன்றிரண்டு சீட்களை மட்டும் குடுத்துட்டு, தமிழகம் முழுக்க முஸ்லிம் ஓட்டுகளை அறுவடை பண்ணிய, தி.மு.க.,வினர், அந்த நன்றியை மறந்துட்டாங்க என்பது, 'டவுட்' இல்லாம தெரியுது!

lll

தி.மு.க., இளைஞரணி தீர்மானம்: அடுத்தவர் உழைப்பில் ஒட்டுண்ணியாய் உண்டு கொழுப்பதும், தன் தேவைக்கேற்ப கொள்கை மறந்து துரோகம் புரிவதும், காங்கிரசுக்கு புதிதல்ல. இன்று நமக்கு செய்த துரோகத்தை, நாளை பதவி கொடுத்த புதிய கூட்டாளிக்கும் செய்வர். பயணிக்கும் படகிலேயே ஓட்டை போடும் அறிவாளிகள் தான் காங்கிரசார். தி.மு.க., ஆட்சியமைக்க விரும்பிய மக்களின் ஓட்டுகளால் தான், இன்று அவர்கள் அமைச்சரவையில் இடம்பெற்றுள்ளனரே தவிர, சொந்த செல்வாக்கால் அல்ல.

டவுட் தனபாலு: காங்கிரசாரை இப்படி போட்டு தாக்குறீங்களே... நீங்க சொல்ற மாதிரி, சொந்த செல்வாக்கு இல்லாத காங்கிரசார், த.வெ.க., கூட்டணிக்கு போக தயாரானப்ப, டில்லி வரைக்கும் ஓடோடி போய் ராகுலிடம் கெஞ்சாத குறையா பேசி, கூட்டணியில் தக்க வச்சது ஏன் என்ற, 'டவுட்' வருதே!

lll

வி.சி., கட்சி தலைவர் திருமாவளவன்: தி.மு.க.,வும், நாங்களும் கொள்கை பிடிப்போடு பணியாற்றினோம். த.வெ.க., அமைச்சரவையில் சேரும் எங்கள் முடிவுக்கு, அரசியல் நெருக்கடியே காரணம்; எங்களுக்கு பதவி ஆசை இல்லை. எங்கள் முடிவை தி.மு.க., தலைவர் ஸ்டாலின், உதயநிதி ஆகியோர், எதிராக பார்க்கவில்லை. அவர்கள் கவனத்துக்கு கொண்டு சென்ற பின்தான் இந்த முடிவை எடுத்துள்ளோம்.

தனபாலு: அரசியலில் கூட்டணி எல்லாம், தேர்தல் சமயத்தில் மட்டும் தான்... எல்லாத்துக்கும், தி.மு.க.,விடம் கேட்டு தான் முடிவு எடுக்கணும்னா, வி.சி.க.,ன்னு ஒரு கட்சியை நீங்க தனியா நடத்தணுமா என்ற, 'டவுட்'தான் வருது!

lll