டவுட் தனபாலு: குஜராத்திலும், பீஹாரிலும் பூரண மதுவிலக்கு அமலில் இருக்கே... அந்த மாநிலங்களில் எல்லாம் சாராயமும், கஞ்சாவும் பெருகிடுச்சா என்ன...? ஆட்சி நிர்வாகமும், போலீசாரும் உங்களிடம் இருக்கிறப்ப, இந்த மாதிரி சால்ஜாப்புகள் சொல்றது சரியா என்ற, 'டவுட்'தான் வருது!

lll

தி.மு.க., முன்னாள் அமைச்சர் நேரு: 'மேகதாது அணை திட்டத்துக்கு எதிர்ப்பு தெரிவிக்க, தமிழகத்திற்கு எந்த உரிமையும் இல்லை' என, கர்நாடக துணை முதல்வர் சிவகுமார் கூறியது, அவரது ஆணவ போக்கை காட்டுகிறது. தமிழகத்தில் ஆட்சி மாற்றம் நடந்து பலவீனமான கூட்டணி அரசு அமைந்துள்ளது என்ற எண்ணத்தில், அவர் பேசியது போல தெரிகிறது. தங்கள் காங்கிரஸ் கட்சியும், தமிழக ஆட்சியில் அங்கம் வகிப்பதால், எதிர்ப்பு இருக்காது என நினைத்து, துடுக்குடன் வார்த்தைகளை விட்டுள்ளார். அவரது பேச்சுக்கு முதல்வர் விஜய் கண்டனம் தெரிவிக்க வேண்டும்.

டவுட் தனபாலு: இதே சிவகுமார், தமிழகத்தில் உங்க ஆட்சி நடந்தப்பவும் மேகதாது அணை பற்றி பலமுறை பேசியிருக்காரு... அப்ப எல்லாம், கூட்டணி தர்மத்துக்காக வாய்மூடி மவுனியா இருந்துட்டு, இப்ப காங்., உங்களை கழற்றி விட்ட கோபத்தை நல்லாவே காட்டுறீங்க என்பது, 'டவுட்' இல்லாம தெரியுது!

lll

வி.சி., கட்சி முன்னாள் எம்.எல்.ஏ., பனையூர் பாபு: நேற்று வரை, 'ஆர்.எஸ்.எஸ்., மற்றும் பா.ஜ., பெற்றெடுத்த பிள்ளை' என த.வெ.க.,வை கடுமையாக விமர்சித்த திருமாவளவன், இன்று தன் கொள்கைகளில் தடம் மாறி விட்டார். நிலைப்பாடுகளை அவ்வப்போது மாற்றி, குழப்பத்துடன் செயல்படும் தலைமையின் கீழ் இனியும் பயணிக்க முடியாது என்பதால், வி.சி.க.,வில் இருந்து விலகுகிறேன்.

டவுட் தனபாலு: அது சரி... த.வெ.க.,வின் எழுச்சி, பல கட்சிகளின் அஸ்திவாரத்தையே ஆட்டம் காண வச்சிருப்பது, 'டவுட்' இல்லாம தெரியுது... திருமாவளவன், த.வெ.க., ஆதரவு நிலைப்பாட்டை எடுக்காமல் இருந்திருந்தா, அவரது கட்சியில் இருந்தும் பலர் த.வெ.க.,வுக்கு தாவியிருப்பாங்க என்பதிலும், 'டவுட்'டே இல்லை!

lll