டவுட் தனபாலு: மத்திய பா.ஜ., அரசின் தே.ஜ., கூட்டணியில் தான் உங்க கட்சியும் இருக்குது... அப்படியிருந்தும், 'விவசாயிகள் நலன்களை மத்திய அரசிடம் தாரை வார்த்திருக்க கூடாது'ன்னு சொல்றதை பார்த்தால், தே.ஜ., கூட்டணிக்கு டாட்டா காட்ட தயாராகிட்டீங்களோ என்ற, 'டவுட்'தான் வருது!



தமிழக முதல்வர் ஸ்டாலின்: ஈரோடு கிழக்கில், தி.மு.க.,வை நேரடியாக எதிர்க்கும் துணிவின்றி, சில உதிரிகளை துாண்டிவிட்டு, அ.தி.மு.க., - பா.ஜ., கட்சிகள் மறைமுக யுத்தம் நடத்தி பார்க்கின்றன. 2026 சட்டசபை தேர்தல் வெற்றிக்கு கட்டியம் கூறும் வகையில், 'வெல்வோம் 200; படைப்போம் வரலாறு' என்பதற்கு முன்னோட்டமாக, ஈரோடு கிழக்கு தொகுதியில், தி.மு.க.,வின் வெற்றியை எதிர்நோக்குகிறேன்.

டவுட் தனபாலு: உதிரி பூக்கள் எல்லாம் சேர்ந்து தான் பெரிய மாலையாகும்... அந்த மாதிரி, உதிரி கட்சிகள் எல்லாம், உங்களுக்கு எதிராக ஒன்று சேர்ந்துட்டா, '2026ல், 200 தொகுதிகள்' என்ற உங்க எண்ணம் ஈடேறுவது, 'டவுட்'தான்!



தமிழக பா.ஜ., துணை தலைவர் நாராயணன் திருப்பதி: 'தமிழ்நாட்டின் பெயர் கூட மத்திய அரசின் பட்ஜெட்டில் இல்லையே. இது ஓரவஞ்சனை. தமிழகத்தை மத்திய அரசு முழுமையாக புறக்கணித்திருக்கிறது' என, முதல்வர் ஸ்டாலின், சிறப்பான மத்திய அரசின் பட்ஜெட்டுக்கு எதிராக அங்கலாய்த்திருக்கிறார்.

டவுட் தனபாலு: 'வருஷத்துக்கு, 12 லட்சம் ரூபாய் சம்பளம் வாங்குறவங்களுக்கு வருமான வரி இல்ல'ன்னு மத்திய பட்ஜெட்ல அறிவிச்சிருக்காங்களே... அது, தமிழகத்தில் இருக்கும் மக்களுக்கு பொருந்தாதுன்னு முதல்வர் தப்பா நினைச்சுட்டாரோ என்ற, 'டவுட்'தான் வருது!

