உள்ளடக்கத்திற்கு செல்ல

ராமேஸ்வரம் கடலில் மிதந்து யோகாசனம் விழிப்புணர்வு
ராமேஸ்வரம் கடலில் மிதந்து யோகாசனம் விழிப்புணர்வு
ADDED : ஜூன் 22, 2026 12:11 AM

அ நிறம் | அளவு
ராமேஸ்வரம்: உலக யோகா தினத்தை யொட்டி யோகா பயிற்சியாளர் சுடலை 62, ராமேஸ்வரம் கடலில் 55 நிமிடங்கள் மிதந்தபடியே யோகா செய்து விழிப்புணர்வு ஏற்படுத்தினர்.
நேற்று (ஜூன் 21) உலக யோகா தினம் நாடு முழுவதும் கடைபிடிக்கப்பட்டது. பள்ளி, பொது இடங்களில் யோகா செய்து பலர் விழிப்புணர்வு ஏற்படுத்தினர். ராமேஸ்வரத்தைச் சேர்ந்த யோகா பயிற்சியாளர் சுடலை 62. இவர் யோகா குறித்து மக்களிடம் விழிப்புணர்வு ஏற்படுத்த ராமேஸ்வரம் அருகே வில்லுாண்டி தீர்த்தம் கடலில் கையில் தேசிய கொடியை ஏந்தியபடி பத்மாசனம், பர்வதாசனம், சின்மயமுத்ரா, ஆதிமுத்ரா உள்ளிட்ட பல யோகா கலைகளை 55 நிமிடங்கள் மிதந்தபடி செய்தார்.
இவருடன் ராமேஸ்வரத்தை சேர்ந்த கிஷோர் 35, என்பவரும் கடலில் மிதந்தபடி யோகா செய்தார்.
