விழாவில், 'காஞ்சியும் அயோத்தியும்' என்ற தலைப்பில் ஆன்மிக பேச்சாளர் நாகை முகுந்தன் பேசுகையில், 'ராதா கல்யாணம், ருக்மணி கல்யாணம், சீதா கல்யாணம், வள்ளி கல்யாணம், பார்வதி கல்யாணம் எல்லாவற்றிலும் பெண்களின் பெயரே முன்னணியில் உள்ளது. இதற்கு காரணம் பெண்கள் கருணைக்கடல் போன்றவர்கள் என்பது தான். அவர்களுக்கு ஏற்றத்தை தருவதற்காகவே இதுபோன்ற நிகழ்வுகள் நடந்து வருகின்றன' என்றார்.

முன் வரிசையில் அமர்ந்திருந்த பார்வையாளர் ஒருவர், 'இந்த சொற்பொழிவை அப்படியே உள்வாங்கி, நம் வீட்டு பெண்களை புகழ்ந்து தள்ளினால், இல்லறத்தில் பிரச்னையே வராது...' என, முணுமுணுக்க, அருகில் இருந்தவர்கள் ஆமோதித்து தலையாட்டினர்.