அவர் பேசும்போது, 'காங்கிரஸ் ஆட்சியில், மிசா சட்டத்தின் போது, தி.மு.க., பல்வேறு கொடுமைகளை சந்தித்தது. அதன்பிறகும், தி.மு.க., ஏன், காங்கிரசுடன் கூட்டணி வைத்துள்ளது என அனைவரும் கேள்வி கேட்கின்றனர். அவர்கள், கண்டிப்பாக அந்த காரணத்தை தெரிந்து கொள்ள வேண்டும்.

'அந்த தவறுகளுக்கு, அன்றைய பிரதமர் இந்திராவை நேரடியாக குறைகூற முடியாது; அதிகாரிகள் தான் அந்நேரத்தில் கொடுமைகளை செய்தனர். பின், நடந்த தவறுகளுக்கெல்லாம் இந்திரா பகிரங்கமாக மன்னிப்பு கோரினார்... அதன்பின்னரே அக்கட்சியுடன் தி.மு.க., கூட்டணி வைத்தது' என்றார்.

இதை கேட்ட நிருபர் ஒருவர், 'மன்னிப்பு கேட்டாலும், மிசாவுல தி.மு.க.,வினர் அடி வாங்கியது வாங்கியது தானே... அதை மறக்க முடியுமா...?' என, 'கமென்ட்' அடிக்க, சக நிருபர்கள் சிரித்தனர்.