பெரம்பலுார் மாவட்ட புதிய கலெக்டராக, பெண் அதிகாரியான ஷரண்யா ஹரி நியமிக்கப்பட்டுள்ளார். சமீபத்தில், எசனை ஊராட்சியில் இருந்த அங்கன்வாடி மையத்திற்கு ஆய்வுக்கு சென்ற ஷரண்யா ஹரி, குழந்தைகளுக்கு வழங்கப்படும் உணவின் தரத்தை, சாப்பிட்டு பார்த்து ஆய்வு செய்தார். 'சாப்பாடு குழந்தைகளுக்கு பிடிக்குதா?' என கேட்டு, அங்கிருந்த குழந்தைகளின் அம்மாக்களிடம் பேசிய அவர், 'குழந்தைகளை, காலையில தினமும் கொண்டு வந்து விடுவீர்களா... நீங்க எங்காவது வேலைக்கு போறீங்களா?' என கேட்டார். அதற்கு அப்பெண்கள், 'இல்லை, வீட்டில் தான் இருக்கிறோம்' என்றனர்.