மோடியின் கவனத்திற்கு விஷயம் செல்ல வேண்டும் என்பதற்காக, அந்த கோரிக்கையை ஆங்கிலத்திலும் குறிப்பிட்டார். அப்போது, பா.ஜ.,வினர், 'பாரத மாதாவுக்கு ஜே... மோடி வாழ்க... ஜெய் ஸ்ரீராம்...' என்ற கோஷங்களை எழுப்பினர். ஆனாலும், முதல்வர் ஸ்டாலின், தன் பேச்சை நிறுத்தவில்லை.

மூத்த நிருபர் ஒருவர், 'இதே மாதிரி தான் ஜெய் ஸ்ரீராம் கோஷம் போட்டதுக்கு, 'என்னை பேச விடாமல் பா.ஜ.,வினர் இடையூறு செய்தனர்' என்று சொல்லி, பிரதமர் பங்கேற்ற விழாவில், மேற்கு வங்க முதல்வர் மம்தா பேசாமல் புறக்கணித்தார்... நம்ம முதல்வர் அப்படி இல்லை...' என, முணுமுணுக்க,சக நிருபர்கள் ஆமோதித்தனர்.