சிறப்பு முகாம் குறித்து விழிப்புணர்வு ஏற்படுத்த, சில தினங்களுக்கு முன், வாகனம் மூலம் அறிவிப்பு வெளியிட மாவட்ட நிர்வாகம் சார்பில் உத்தரவிடப்பட்டது. ஆனால், கலெக்டர் வந்த பின், விழிப்புணர்வு பேனர்களை ஒட்டும் பணியை நகராட்சி அதிகாரிகள் துவங்கினர்.

இதனால், ஆத்திரமடைந்த கலெக்டர் சதீஸ், 'இப்படி ஒரு முகாம் நடப்பதே வாக்காளர்களுக்கு தெரியாத நிலையில் உள்ளது. ஏன் இவ்வளவு மெத்தனமாக செயல்படுகிறீர்கள்?' என கடிந்து கொண்டார்.

இதை கேட்ட வாக்காளர் ஒருவர், 'அதிகாரிகள் என்ன தான் திட்டினாலும், ஊழியர்கள் திருந்தவே மாட்டாங்க...' என முணுமுணுக்க, அருகில் இருந்தவர்கள் ஆமோதித்தனர்.