கடந்த 2000-ம் ஆண்டுக்கு பின், இளைஞர்கள் அதிக அளவில் வாசனை திரவியங்களை பயன்படுத்த ஆரம்பித்தனர். தேவைக்கேற்ப ஆர்டர்களும் அதிகமானதால், உற்பத்தியை அதிகரித்தார்.

இந்நிலையில், எம்.பி.ஏ., முடித்த நான் தொழில் முனைவோராக ஆசைப்பட்ட போது, 'நீ முதல்ல ஓர் ஊழியரா இருந்து தொழில் கத்துக்கோ; அதுக்கப்புறமா தனியா பிசினஸ் பண்ணலாம்' என்று கூறியதுடன், அவரின் நிறுவனத்திலேயே மார்க்கெட்டிங் துறை அலுவலராக என்னை சேர்த்துக் கொண்டார்.

அதுவரை, நாங்கள் உள்நாட்டு விற்பனையில் சொல்லிக் கொள்ளும் அளவுக்கு கவனம் செலுத்தவில்லை. அந்த நிலையை மாற்றி, சாமானியர்களுக்கும் கட்டுப்படியாகிற விலையில் வாசனை திரவியங்களை கொடுக்க வேண்டும் என திட்டமிட்டு, 20 ரூபாய்க்கு சிறு பாட்டிலில் 2 மி.லி., அளவுக்கு வாசனை திரவியத்தை விற்பனை செய்தோம்.

கடந்த 10 ஆண்டுகளாக இந்த வெரைட்டிக்கும் நல்ல வரவேற்பு இருப்பதால், மாதந்தோறும் 5.70 லட்சம் பாட்டில்கள் தயாரிக்கிறோம்.

மேலும், 800-க்கும் மேற்பட்ட ரகங்களில் வாசனை திரவியங்களை தயாரிப்பதுடன், 'அத்தர், பாடி ஸ்பிரே, நறுமண சாம்பிராணி, ரூம் பிரெஷ்னர்' போன்ற பிற வாசனை தயாரிப்புகளும் எங்கள் நிறுவனத்தில் உற்பத்தி செய்யப்

படுகின்றன.

இந்நிறுவனத்தின் மற்றுமோர் உற்பத்தி ஆலை குஜராத் மாநிலத்தில் செயல்படுகிறது. அங்கு தினமும், 2 லட்சம் பாட்டில்களில் வாசனை திரவியங்கள் தயாரிக்கப்படுகின்றன.

எங்கள் பிராண்டுகள் தவிர, இந்தியா மற்றும் வெளிநாடுகளில் பெர்பியூம் தொழிலில் கோலோச்சும் கார்ப்பரேட் நிறுவனங்கள் உட்பட பல நிறுவனங்களின் பிராண்டுகள் பெயரிலும் வாசனை திரவியங்களை தயாரித்து கொடுக்கிறோம். ஆண்டுக்கு, 150

கோடி ரூபாய் அளவுக்கு வர்த்தகம் செய்து முன்னேறி கொண்டிருக்கிறோம்.

வாசனை திரவியங்களின் சந்தை தொடர்ந்து வளர்ந்து வருவதால், நாங்களும் மேலும் மேலும் வளர வேண்டும் என்ற

உற்சாகத்துடன் உழைக்கிறோம்.