- விக்னேஷ், ஜி.என்.மில்ஸ்.

ஒருபுறம் படுமோசம் வீரகேரளம் அருகே, தொண்டாமுத்துார் ரோட்டில், குழாய் பதிப்பு பணிகளுக்காக சாலையின் ஒருபுறம் தோண்டப்பட்டது. பணிகள் முடிந்த பின்பு மீண்டும் சாலை அமைக்கவில்லை. மண்ணாகவும், மேடு, பள்ளமாகவும் உள்ளது.

- உண்ணிகிருஷ்ணன், வீரகேரளம்.

தெருவிளக்கு பழுது சரவணம்பட்டி, ஒன்பதாவது வார்டு, 'எஸ்.பி -57. பி-1' என்ற எண் கொண்ட கம்பத்தில் அடிக்கடி தெருவிளக்கு பழுதாகிறது. அருகிலுள்ள கம்பத்தில் ஒரு வருடத்திற்கு மேலாக தெருவிளக்கு எரிவதில்லை. பழுதான தெரு விளக்குகளை மாற்றி, புதிய விளக்குகளை பொருத்த வேண்டும்.

- சவுந்தர்ராஜன், சரவணம்பட்டி.

குப்பைமயமான பேருந்து நிலையம் மருதமலை அடிவாரம் பேருந்து நிலையம், போதிய பராமரிப்பின்றி மோசமாக உள்ளது. அதிக குப்பை தேங்கிக்கிடக்கிறது. வாரக்கணக்கில் தேங்கியுள்ள கழிவுகளால் கடும் துர்நாற்றம் வீசுகிறது. கோவிலுக்கு வரும் பக்தர்கள், பயணிகள் மிகுந்த சிரமத்திற்குள்ளாகின்றனர்.

- ஹரிதாஸ், மருதமலை.

பெயர்ந்து வரும் ஜல்லிக்கற்கள் காரமடை, ஜடையம்பாளையம், ராமம்பாளையத்தில் இருந்து பாரத் வித்யா நிகேதன் பள்ளி வழியாக சென்னம்பாளையம் நகர் செல்லும் சாலை சேதமடைந்துள்ளது. ஜல்லிக்கற்கள் பெயர்ந்து குண்டும், குழியுமாக இருக்கிறது. பள்ளிக்கு செல்லும் குழந்தைகள், பொதுமக்கள் அவதிக்கு உள்ளாகின்றனர்.

- கந்தசாமி, காரமடை.

வாய்க்காலில் பிளாஸ்டிக் அடைப்பு வீரகேரளம் பிரதான கால்வாயில் உள்ள மழைநீர் வாய்க்காலில், பெருமளவு பிளாஸ்டிக் கழிவு குவிந்துள்ளது. கழிவுநீர் தேங்கி நிற்கிறது. மழைக்காலத்தில் அடைப்பு ஏற்பட வாய்ப்புள்ளது.வாய்க்காலை சுத்தம் செய்வதுடன், இங்கு குப்பை வீசுவோர் மீதும் நடவடிக்கை எடுக்க வேண்டும்.

- உண்ணிகிருஷ்ணன், வீரகேரளம்.

எரிக்கப்படும் குப்பை மத்வராயபுரம் ஊராட்சியில், ஆற்றுக்கு செல்லும் பாதையில் குப்பை குவிந்துள்ளது. அடிக்கடி குப்பையை தீ வைத்து எரிப்பதால், அருகில் உள்ள வீடுகளில் வசிப்போருக்கு மூச்சுத்திணறல், கண்ணெரிச்சல் போன்ற பாதிப்புகள் ஏற்படுகின்றன.

- சுப்பிரமணியன், மத்வராயபுரம்.

பள்ளி முன் இடையூறு நஞ்சப்பா ரோட்டில், மாநகராட்சி பள்ளி அருகே செயல்படும், எலக்ட்ரிக் வாகனங்கள் விற்பனை செய்யும் நிறுவனம், விற்பனைக்கானவாகனங்களை சாலையில் நிறுத்தி வைக்கிறது. பாதசாரிகள் நடந்து செல்ல வழியில்லை. பள்ளிக்கு வரும் வாகனங்கள் நிறுத்தவும் சிரமமாக உள்ளது.

- அருண்குமார், காந்திபுரம்.

பயணிகள் தவிப்பு கோவை ரயில்நிலையத்தில், ஒன்று முதல் நான்கு வரையுள்ள நடைமேடை செல்ல லிப்ட் மற்றும் எஸ்கலேட்டர் வசதி உள்ளது. ஐந்து, ஆறு நடைமேடை செல்ல இத்தகைய வசதிகள் இல்லை. வயதானவர்கள், குழந்தைகள்லக்கேஜ்களுடன் சிரமப்படுகின்றனர்.

- சுரேஷ், காந்திபுரம்.

இரவில் விபத்து அதிகரிப்பு விளாங்குறிச்சி, செந்தோட்டம் அருகே காளப்பட்டி, சரவணம்பட்டி சாலையில், கேபிள் பதிப்பு பணிக்காக சாலை தோண்டப்பட்டது. குழியை சரியாக மூடாமல் விட்டுள்ளனர். இரவு நேரங்களில் குழி தெரியாமல் வாகன ஓட்டிகள் விபத்தில் சிக்குகின்றனர்.

- சவுந்தர், விளாங்குறிச்சி.

கொசுத்தொல்லை அதிகம் நீலிக்கோணாம்பாளையம், பெருமாள் கோவில் பின்புறம் சாக்கடை எடுத்து ஒரு மாதம் ஆகியும் குப்பையை அகற்றவில்லை. மீண்டும் கழிவு சாக்கடை கால்வாயிலே விழுகிறது. கழிவுநீர் தேங்கி கடும் துர்நாற்றம் வீசுகிறது. இதனால், குடியிருப்பு பகுதி முழுவதும் கொசுத்தொல்லை அதிகமாக உள்ளது.

- ஸ்ரீநிதி, இடையர்பாளையம்.

மோசமான ரோடு மதுக்கரை அரசு மருத்துவமனை முதல் பைபாஸ் செல்லும் சாலையில், முல்லை நகர் சாலை முடிவில், சாலை மோசமாக சேதமடைந்துள்ளது. கரடு, முரடாக இருக்கும் சாலையில் வாகன ஓட்டிகள் மிகுந்த சிரமத்திற்குள்ளாகின்றனர்.

- கார்த்திக், மதுக்கரை.