கள்ளக்குறிச்சி புதுவீட்டு சந்தில் சரியாக குப்பை அள்ளப்படுவதில்லை. இதனால் சுகாதார சீர்கேடு ஏற்படுகிறது.

-பிரேம், கள்ளக்குறிச்சி.

சாலையோர ஆக்கிரமிப்பு

மேல்சிறுவளுர் கூட்ரோடு பகுதி கள்ளக்குறிச்சி-திருவண்ணாமலை சாலையில் ஆக்கிரமிப்புகள் நிறைந்து இருப்பதால் போக்குவரத்து பாதிப்படைந்து வருகிறது.

-அரசு, மேல்சிறுவளூர்.

எச்சரிக்கை பலகை தேவை

கடுவனுார் ஏரிக்கரை சாலையில் சிறுபாலங்கள் அமைக்கப்படும் இடத்தில் எச்சரிக்கை பலகைகள் இல்லாததால் வாகன ஓட்டிகள் விபத்துக்குள்ளாகி வருகின்றனர்.

-மணிகண்டன், கடுவனுார்.

போக்குவரத்து பாதிப்பு

கள்ளக்குறிச்சி மணிக்கூண்டு சந்து பகுதி சேலம் சாலையில் ஆட்டோக்காரர்கள் சாலையை அடைத்துக்கொண்டு சீட் ஏற்றுவதை போலீசார் கண்டுகொள்வதில்லை .இதனால் போக்குவரத்து பாதிப்பு ஏற்படுகிறது.

-மணிகண்டன், கள்ளக்குறிச்சி.