கட்சி கொடி கம்பங்களின் கான்கிரீட் கழிவு அகற்றப்படுமா?

காஞ்சிபுரம் நகரின் மையப்பகுதியான எண்ணெய்கார தெருவில் சினிமா தியேட்டர், திருமண மண்டபம், பல்வேறு வியாபார நிறுவனங்கள் கடைகள் அமைந்துள்ளன. இச்சாலையில் வாகன போக்குவரத்தும், பொதுமக்கள் நடமாட்டமும் அதிகம். இச்சாலையோரம் இருந்த தி.மு.க., - அ.தி.மு.க., கட்சி கொடி கம்பங்கள் கடந்த மாதம் மாநகராட்சி சார்பில் அகற்றப்பட்டன. ஆனால், கொடி கம்பம் அமைக்கப்பட்டிருந்த பீடம் மற்றும் இடிக்கப்பட்ட கல்வெட்டின் கான்கிரீட் கழிவுகள் அகற்றப்படவில்லை.