திருப்பூர், ஊத்துக்குளி ரோடு பாரப்பாளையம் பிரிவில் குடிநீர் குழாய் உடைந்து ரோட்டில் குடிநீர் தேங்கி நின்று வீணாகி வருகிறது. குழாய் உடைப்பை சீரமைத்து குடிநீர் விரயமாவதை தடுக்க வேண்டும்.

- துரைராஜ், பாரப்பாளையம்.

குப்பை வாகனம் வருவதில்லை

திருப்பூர், கருவம்பாளையம், அமர்ஜோதி கார்டனில் குப்பை எடுக்க கடந்த, ஒரு மாதமாக குப்பை வாகனம் வருவதில்லை. அதிகாரிகளிடம் தெரியப்படுத்தி நடவடிக்கையில்லை.

- ராதா, அமர்ஜோதி கார்டன்.

விபத்து அபாயம்

திருப்பூர், சிறுபூலுவபட்டியில் வேலம்பாளையம் போலீஸ் ஸ்டேஷன் அருகே ரோட்டில் பெரிய பள்ளம் ஏற்பட்டு, கழிவு நீர் தேங்கி நிற்கிறது. வாகன ஓட்டிகள், பாதசாரிகள் ரோட்டை பயன்படுத்த முடியாத நிலை ஏற்பட்டுள்ளது. விபத்து அபாயமும் உள்ளது.

- கார்த்தி, சிறுபூலுவபட்டி.

கடும் துர்நாற்றம்

திருப்பூர், அவிநாசி ரோடு ஸ்ரீனிவாசா தியேட்டர் அருகே சாக்கடை கால்வாயில் அடைப்பு ஏற்பட்டு, கடும் துர்நாற்றம் வீசி வருகிறது.

- கதிர்வேல், திருப்பூர்.