செங்கல்பட்டு மாவட்டம், திருக்கழுக்குன்றம், வடக்குப்பட்டு புறவழிச் சாலையில் அமைந்துள்ள ஹனுமத் சமேத ராகவேந்திரா சுவாமிகளின் 354வது ஆராதனை விழா, நேற்று முன்தினம் துவங்கி, மூன்று நாட்கள் நடக்கிறது.

விழாவை முன்னிட்டு, நேற்று காலை 6:00 மணியளவில் ராகவேந்திரா சுவாமிக்கு, சிறப்பு பஞ்சாமிர்த அபிஷேகம், சிறப்பு அலங்காரம், பூஜை, ஆராதனை உள்ளிட்டவை நடந்தன.

தொடர்ந்து, சுவாமி சிறப்பு அலங்காரத்தில், பக்தர்களுக்கு அருள்பாலித்தார்.

இதையடுத்து, பக்தர்களுக்கு தீர்த்த பிரசாதமும், மதியம் 1:00 மணிக்கு அன்னதானமும் வழங்கப்பட்டது.

தொடர்ந்து இன்றும், ராகவேந்திரா சுவாமிக்கு அபிஷேகம், ஆராதனை உள்ளிட்டவை நடைபெற உள்ளன.