கனடா பிரான்ஸ் ஹவாய் டெலஸ்கோப் (சிஎஃப்ஹச்டி) எனும் தொலைநோக்கி கொண்டு சனிக்கோளை 2019 முதல் 2021ஆம் ஆண்டு வரை விஞ்ஞானிகள் தொடர்ந்து கண்காணித்து வந்தனர். இந்த ஆய்வில் 62 புதிய நிலவுகள் கண்டுபிடிக்கப்பட்டன. அதேபோல் அடுத்தடுத்த ஆண்டுகளிலும் தொடர்ந்து சனிக்கோள் கண்காணிக்கப்பட்டு வந்தது. கண்டுபிடிக்கப்பட்ட நிலவுகளில் சில மிகவும் சிறியவை. சில கிலோமீட்டர் மட்டுமே அகலம் கொண்டவை. இவை பெரிய நிலவுகள் மோதிக் கொள்ளும்போது உடைந்து உருவான துகள்கள். இந்த ஆய்வு முடிவில் சனிக் கோளுக்கு மொத்தம் 274 நிலவுகள் உள்ளன என்று முடிவு செய்யப்பட்டுள்ளது.